20190726 095451

ජාතික සමථ දිනයට අදාළව රත්නපුර දිස්ත්‍රික් සැමරුම් උත්සවය 2019.07.26 දින අධිකරණ හා බන්ධනාගාර ප්‍රතිසංස්කරණ ගරු අමාත්‍ය නිතීඥ තලතා අතුකෝරාළ මැතිණියගේ ප්‍රධානත්වයෙන් කේතුමතී උත්සව ශාලාවේ දී පවත්වන ලදී.
ජාතික සමථ දිනයට සමගාමීව දීප ව්‍යාප්තව ක්‍රියාවට නංවනු ලබන ප්‍රජා දැනුවත් කිරීමේ වැඩසටහනට අදාළව රත්නපුර දිස්ත්‍රික් වැඩසටහනෙහි සමාරම්භය සනිටුහන් කිරීම සඳහා දැනුවත් කිරීමේ අත් පත්‍රිකා සහ බැනරය ගරු අමාත්‍යතුමිය අතින් රත්නපුර සමථ මූල මණ්ඩලයේ සභාපතිතුමිය වෙත සංකේතාත්මකව ලබාදීම ද මෙහිදී සිදු විය.
මේ සඳහා කුප්පියාවත්ත බෝධානන්ද හිමි ප්‍රමුඛ මහා සංඝරත්නය, පළාත් සභා හිටපු මංත්‍රී යෙහියා එම්. ඉෆ්ලාර් මහතා, පළාත් සභා හිටපු නිමල් විජේනායක මහතා රත්නපුර දිස්ත්‍රික් ලේකම් මාලනී ලොකුපෝතාගම මැතිණිය, අතිරේක දිස්ත්‍රික් ලේකම් ජී.ඩි.එල්. උදය කුමාරි මෙනවිය, අතිරේක දිස්ත්‍රික් ලේකම් එස්.බී. ‍උඩෝවිට මහතා, සමථ මණ්ඩල කොමිෂන් සභාවෙහි ලේකම් රාජනී අතපත්තු මැතිණිය, ප්‍රාදේශීය ලේකම්වරුන්, ප්‍රාදේශීය සභා මංත්‍රීවරුන්, ප්‍රාදේශීය ලේකම් කාර්යාලයේ සමථ නිලධාරීන්, විදුහල්පතිවරුන් හා සමථ මූල මණ්ඩලයන්හි සාමාජික සාමාජිකාවන් සහභාගී විය.

1

ගින්නෙන් වන අනතුරු මගහරවා ගැනීම හා ගිනි නිවීමේ උපකරන නිවැරදිව භාවිතා කරන ආකාරය පිළිබඳ දිස්ත්‍රික් ලේකම් කාර්යාලයීය නිලධාරීන් දැනුවත් කිරීමේ ප්‍රායෝගික වැඩසටහනක් 2019.07.02 දින රත්නපුර දිස්ත්‍රික් ලේකම් කාර්යාලයීය පරිශ්‍රයේදී සිදු කරන ලදී. 

රත්නපුර දිස්ත්‍රික් ලේකම් මාලනී ලොකුපෝතාගම මැතිණියගේ උපදෙස් මත දිස්ත්‍රික් ආපදා කළමනාකරණ මධ්‍යස්ථානයේ සහකාර අධ්‍යක්ෂ මුදිත මංජුල මහතාගේ මෙහෙයවීමෙන් මෙම වැඩසටහන සිදු කරන ලදී. රත්නපුර මහා නගර සභාවේ ගිනි නිවීමේ ඒකකයේ නිලධාරීන්ගේ සම්පත් දායකත්වයෙන් පැවති මෙම වැඩසටහන සඳහා දිස්ත්‍රික් ලේකම් කාර්යාලයීය මාණ්ඩලික නිලධාරීන් ඇතුළු කාර්ය මණ්ඩල නිලධාරීින් සහභාගී විය.

430ජාතික මත් නිවාරණ සතිය නිමිති කර ගනිමින් රත්නපුර දිස්ත්‍රික්කයේ නාගරික පාසල් රථ රියදුරන් හා හිමිකරුවන්, ත්‍රී රෝද රථ රියදුරන් දැනුවත් කිරීමේ වැඩසටහනක් රත්නපුර මුවගම සිරි විසුද්ධාරාම පිරිවෙන් විහාරස්ථානයේ දී 2019.06.27 දින රත්නපුර දිස්ත්‍රික් ලේකම්තුමියගේ ප්‍රධානත්වයෙන් පවත්වන ලදී. පසුව ත්‍රී රෝද රථ, පාසල් වෑන් හා බස් රථ වල දැනුවත් කිරීමේ ස්ටිකරයන් ඇලවීමේ වැඩසටහනක් ද මෙයට සමගාමීව සිදු කරන ලදී.
රත්නපුර දිස්ත්‍රික් ලේකම් කාර්යාලය විසින් සංවිධානය කරන ලද මෙම වැඩසටහන සඳහා රත්නපුර දිස්ත්‍රික් ලේකම් මාලනී ලොකුපෝතාගම මැතිණිය, අතිරේක දිස්ත්‍රික් ලේකම් ජී.ඩී.එල්. උදය කුමාරි මෙනවිය, රත්නපුර මූලස්ථාන ප්‍රධාන පොලිස් පරීක්ෂක රොහාන් ඕලුගල මහතා, දිස්ත්‍රික් ලේකම් කාර්යාලයීය අන්තරාදායක ‍ඖෂධ පාලක ජාතික මණ්ඩල නිලධාරීන්, පොලිස් නිලධාරීන් ඇතුළු විශාල පිරිසක් මේ සඳහා සහභාගී විය. (වැඩිදුර ජායාරූප නැරඹීමට ජායාරූප ගැලරිය වෙත පිවිසෙන්න)

bloodරත්නපුර දිස්ත්‍රික් ලේකම් මාලනී ලොකුපෝතාගම මහත්මියගේ උපදෙස් හා මඟ පෙන්වීම යටතේ, රත්නපුර මහරෝහලේ අධ්‍යක්ෂ වෛද්‍ය ප්‍රසන්න රණවීර මහතාගේ හා රෝහල් කාර්ය මණ්ඩලයේ සහාය ඇතිව පොසොන් පොහොය අරමුණු කරගෙන රත්නපුර දිස්ත්‍රික් ලේකම් කාර්යාලය මගින් වාර්ෂිකව සංවිධානය කරනු ලබන ලේ දන් දීමේ වැඩසටහන 2019.06.21 වැනි දා දිස්ත්‍රික් ලේකම් කාර්යාලයේ දී සාර්ථකව පැවැත් විණි. මෙම අවස්ථාවේ දී දිස්ත්‍රික් ලේකම් කාර්යාලයේ කාර්ය මණ්ඩලයේ හා තවත් බොහෝ පිරිසක් ලේ දන් දුන් අතර ලේ දන් දුන් සැමට සහ මේ සඳහා නන් අයුරින් උපකාර කළ සියලුම දෙනාට දිස්ත්‍රික් ලේකම්තුමිය විසින් සිය හෘදයාංගම ස්තූතිය පිරි නැමීය.
මෙම අවස්ථාවට අතිරේක දිස්ත්‍රික් ලේකම් ජී.ඩී.එල්. උදයකුමාරි, සහකාර දිස්ත්‍රික් ලේකම් බී.එච්.එස්. ධනවර්ධන, පරිපාලන නිලධාරිණී ඩබ්ලිව්.ඩී.සී.අයි. වර්ණකුලසූරිය යන මහත්මීන් ඇතුළු කාර්ය මණ්ඩලයේ බොහෝ පිරිසක් සහභාගී වූහ.

11නව සමෘද්ධි සහනාධාර හිමිකම්පත් ප්‍රදානය කිරිමේ ජාතික උත්සවයට සමගාමීව දිස්ත්‍රික් මට්ටමින් නව සමෘද්ධි හිමිකම්පත් ප්‍රදානය කිරිමේ රත්නපුර දිස්ත්‍රික් උත්සවය ප්‍රාථමික කර්මාන්ත හා සමාජ සවි බල ගැන්වීමේ ගරු අමාත්‍ය දයා ගමගේ මැතිතුමාගේ ප්‍රධානත්වයෙන් පැල්මඩුල්ල ගන්කන්ද විද්‍යාලයීය ක්‍රිඩාංගනයේ දී පසු ගිය දා (2019-06-14 දා) විශාල පිරිසකගේ සහභාගීත්වයෙන් සිදු කෙරිණි.
රත්නපුර දිස්ත්‍රික්කයේ නව සමෘද්ධි සහනාධාරලාභීන් සංඛ්‍යාව 24947 ක් වන අතර ඉන් නව සමෘද්ධි සහනාධාරලාභීන් 4500 දෙනෙකු සඳහා මෙදින (14 දා) සහනාධාර හිමිකම්පත් ප්‍රදානය කෙරිණි.
මෙම අවස්ථාවට රාජ්‍ය කලමණාකරණ හා ආපදා කළමණාකරණ කටයුතු ගරු අමාත්‍ය රංජිත් මද්දුම බණ්ඩාර මැත්තුමා, අධිකරණ හා බණ්ධනාගාර ප්‍රතිසංස්කරණ ගරු අමාත්‍ය තලතා අතුකෝරාල මැතිණිය, වෘත්තීය පුහුණු හා නිපුනතා සංවර්ධන නියෝජ්‍ය අමාත්‍ය ගරු කරුණාරත්න පරනවිතාන මැතිතුමා, රත්නපුර දිස්ත්‍රික් පාර්ලීමේන්තු මන්ත්‍රී ඒ.ඒ.විජේතුංග මැතිතුමා. හේෂා විතානගේ මැතිතුමා ඇතුළු දිස්ත්‍රික්කයේ බොහෝ දේශපාලන නියෝජිතයින්ද, රත්නපුර දිස්ත්‍රික් ලේකම් මාලනී ලොකුපෝතාගම මැතිණිය, සමෘද්ධි සංවර්ධන දෙපාර්තමේන්තුවේ අධ්‍යක්ෂ ජනරාල් එස්.ටී.ආර්.ඊ.එම්.එස්.පි.බණ්ඩාර මහතා ඇතුළු රාජ්‍ය නිලධාරීහු රැසක් ද සහභාගී වූහ.

16ස්මාර්ට් ශ්‍රී ලංකා වැඩසටහන යටතේ ශ්‍රී ලංකා වෘත්තීය මාර්ගෝපදේශ ම්‍යස්ථාන පිහිටුවීම සම්බන්ධව රත්නපුර දිස්ත්‍රික් නිලධාරීන් දැනුවත් කිරීමේ වැඩසහනක් 2019.06.10 දින සබරගමුව පළාත් ශ්‍රවණාගාරයේ දී පවත්වන ලදී.
මේ සඳහා සබරගමුව පළාත් ආණ්ඩුකාරවර ගරු ආචාර්ය ධම්ම දිසානායක මැතිතුමා, රත්නපුර දිස්ත්‍රික් ලේකම් මාලනී ලොකුපෝතාගම මැතිණිය, අතිගරු ජනාධිපතිතුමන්ගේ පාර්ලිමේන්තු කටයුතු පිළිබඳ ලේකම් මියුරු භාෂිත මහතා, සබරගමුව පළාත් මාර්ගස්ථ මගී ප්‍රවාහන අධිකාරියේ සභාපති සන්දනායක මහතා, ජනාධිපති ලේකම් කාර්යාලයේ ස්මාර්ට් ශ්‍රී ලංකා වැඩසටහනනේ අධ්‍යක්ෂ ජනරාල් එරික් ප්‍රසන්න වීරවර්ධන මහතා, අතිරේක දිස්ත්‍රික් ලේකම් එස්.බී. උඩෝවිට මහතා හා ජී.ඩී.එල්. උදයකුමාරි මෙනවිය, සියළුම ප්‍රාදේශීය ලේකම්වරුන් හා වසම් භාර ආර්ථික සංවර්ධන නිලධාරීන් සහභාගී විය.
එමෙන්ම, මෙම අවස්ථාවේ දී වෘත්තීය මාර්ගෝපදේශනය පිළිබඳ දැනුවත් කිරීමේ දේශනයක් මනෝ වෛද්‍ය ආචාර්ය චමින්ද විජේසිංහ මහතා විසින් සිදු කළ අතර, වැඩසටහනේ තාක්ෂණික ක්‍රියාවළිය පිළිබද දේශනයක් තාක්ෂණික නිලධාරී ලක්මාල් වීරමන්ත්‍රී මහතා විසින් සිදු කරන ලදී.

12

මෙවර වෙසක් පොහොය නිමිති කර ගනිමින් දිස්ත්‍රික් ලේකම්තුමියගේ උපදෙස් හා මග පෙන්වීම මත දිස්ත්‍රික් ලේකම් කාර්යාලයීය බෞද්ධ සංගමය විසින් සිල් සමාදන් වීමේ වැඩසටහනක් 2019.05.21 දින සංවිධානය කරන ලදී.

දිනය පුරා පැවති මෙම සිල් සමාදන් වීමේ වැඩසටහන සඳහා කාර්යාලයේ විශාල පිරිසක් සහභාගී වු අතර, ශ්‍රී පාදස්ථානාධිපති, ඌව වෙල්ලස්ස විශ්ව විද්‍යාලයේ කුලපති අතිපූජ්‍ය බෙංගමුවේ ධම්මධින්න නාහිමිපාණන් වහන්සේ විසින් විශේෂ ධර්ම දේශනයක් ද මෙහිදී සිදු කරන ලදී. 

01

2018-2019 වර්ෂයට අදාළ ශ්‍රී පාද වන්දනා සමය 2019.05.19 දිනෙන් අවසන් විය. වන්දනා සමය අවසන් කරමින් සමන් දේව ප්‍රතිමාව හා දේව ආභරණ ශ්‍රී පාදස්ථානයේ සිට මාර්ග තුනක් ඔස්සේ පැල්මඩුල්ල ගල්පොත්තාවල රජ මහා විහාරයට වැඩම කිරීම සිදු කරන ලදී. ශ්‍රී පලාබද්දල සිට රත්නපුර මාර්ගය - නල්ලතන්නිය සිට බගවන්තලාව, බලංගොඩ හරහා පැල්මඩුල්ල මාර්ගය - නල්ලතන්නිය සිට හැටන්, අවිස්සාවේල්ල, රත්නපුර හරහා පැල්මඩුල්ල එම මාර්ගයන් ත්‍රිත්වය වේ. ශ්‍රී පාදස්ථානාධිපති, ඌව වෙල්ලස්ස විශ්ව විද්‍යාලයේ කුලපති අතිපූජ්‍ය බෙංගමුවේ ධම්මධින්න නාහිමිපාණන් ප්‍රමුඛ සංඝයා වහන්සේ ප්‍රමුඛ කර ගනිමින් නල්ලතන්නියෙන් දේව පෙරහැර ආරම්භ කිරීම සිදු කරන ලදී.

මෙම අවස්ථාව සඳහා රත්නපුර දිස්ත්‍රික් ලේකම් මාලනී ලොකුපෝතාගම මහත්මිය, අතිරේක දිස්ත්‍රික් ලේකම් ජී.ඩී.එල්. උදය කුමාරි මෙනවිය, ආපදා කළමනාකරණ මධ්‍යස්ථානයේ සහකාර අධ්‍යක්ෂතුමා, ඇහැලියගොඩ-වැලිගෙපොල-බලංගොඩ-ඕපනායක ප්‍රාදේශීය ලේකම්වරුන් හා නුවරඑලිය දිස්ත්‍රික් ‍අඹගමුව ප්‍රාදේශීය ලේකම්තුමා ‍ඇතුළු විශාල සැදැහැවතුන් පිරිසක් සහභාගී විය.      

 

ra 01ra 05ra 03

මං තීරු දෙකක් සහිත දෙමුවාවත නව පාලම ශ්‍රී ලංකා ප්‍රජාතාන්ත්‍රික සමාජවාදී ජන රජයේ ගරු අග්‍රාමාත්‍ය රනිල් වික්‍රමසිංහ මැතිදුන්ගේ සුරතින් 2019.05.12 දින විවෘත කරන ලදී. මෙම අවස්ථාවට මහා මාර්ග හා මාර්ග සංවර්ධන  සහ ඛනිජ තෙල් සංවර්ධන අමාත්‍ය ගරු කබීර් හෂීම් මැතිතුමා, අධිකරණ හා බන්ධනාගාර ප්‍රතිසංස්කරණ ඇමතිනී ගරු තලතා අතුකෝරාල මැතිණිය, ගරු නියෝජ්‍ය අමාත්‍

තා, කොළඹ දිස්ත්‍රික් පාර්ලිමේන්තු මන්ත්‍රී එස්. එම්. මරික්කාර් මහතා ප්‍රමුඛ දේශපාලන අධිකාරිය, මෙන්ම රත්නපුර දිස්ත්‍රික් ලේකම් මාලනී ලොකුපෝතාගම මහත්මිය ප්‍රමුඛ රාජ්‍ය නිලය  කරුණාරත්න පරණවිතාරන මහතා, පාර්ලිමේන්තු මන්ත්‍රී ගරු ඒ.ඒ. විජේතුංග මහ

ධාරීහු රැසක් සහභාගී වූහ.

අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යංශය විසින් 2016 වර්ෂයේ මෙහි ඉදිකිරීම් කටයුතු සඳහා රත්නපුර දිස්ත්‍රික් ලේකම් වෙත රු.මි. 196.99 ක ප්‍රතිපාදන වෙන් කර දෙන ලදී.

මාර්ග සංවර්ධන අධිකාරියේ උපදේශකත්වය යටතේ රත්නපුර දිස්ත්‍රික් ලේකම් කාර්යාලය විසින් ව්‍යාපෘතිය මෙහෙයවූ අතර, 2016 සැප්තැම්බර් මස 19 දින ඉදිකිරීම් කටයුතු ආරම්භ කළ අතර, 2018 ජූනි මස ඉදිකිරීම් කටයුතු අවසන් කරන ලදී. දරණ ලද මුළු වියදම රු.මි 182.11 කි.

මෙම පාලම විවෘත කිරීමත් සමඟ බටුගෙදර සිට මුද්දුව දක්වා මං තීරු දෙකකින් යුත් මාර්ගයක්ද ඉදිකරමින් පවතී. මේ සඳහා ජාතික ප්‍රතිපත්ති, ආර්ථික කටයුතු, නැවත පදිංචි කිරීම් හා පුනරුත්තාපන, උතුරු පළාත්  සංවර්ධන සහ යෞවන කටයුතු අමාත්‍යංශය  විසින් දිස්ත්‍රික් ලේකම් වෙත වෙන්කරන ලද මුදල රු.මි 100 කි. මෙම මාර්ගය ඉදි වූ පසු එය රත්නපුර  නගරය පසු කර යාමේ විකල්ප මාර්ගයක් වේ. මේ හේතුවෙන් ඉදිරියේදී නගරයේ මාර්ග තදබදය සැලකිය යුතු ප්‍රමාණයකින් අඩුවනු ඇත.

IMG 1176ඉඩම් ලියාපදිංචි කිරීමේ කඩිනම් එක්දින සේවාව සහ ජාත්‍යන්තර ප්‍රමිතීන්ට අනුව සැකසුණු නව උප්පැන්න සහතිකයක් සහ නව ආරක්ෂිත ක්‍රමෝපායන් සහිත විවාහ සහ මරණ සහතික ලබාදීමේ ජාතික වැඩසටහන ජනගත කිරීමේ ජාතික උත්සවය සමගාමීව සබරගමුව පළාත් උත්සවය 2019.03.16 දින රත්නපුර දිස්ත්‍රික් ලේකම් කාර්යාලයේ දී රත්නපුර දිස්ත්‍රික් ලේකම්තුමියගේ ප්‍රධානත්වයෙන් පවත්වන ලදී.
මෙම උත්සවය සඳහා අතිරේක දිස්ත්‍රික් ලේකම්තුමා/තුමිය ප්‍රමුඛ දිස්ත්‍රික් ලේකම් කාර්යාලයීය නිලධාරීන්, උප නගරාධිපතිතුමා, දිස්ත්‍රික්කයේ ප්‍රාදේශීය ලේකම්වරුන් හා සහකාර ප්‍රාදේශීය ලේකම්වරුන්, දිස්ත්‍රික් රෙජිස්ට්‍රාර්තුමිය, දිස්ත්‍රික්කයේ නීතීඥ/ප්‍රසිද්ධ නොතාරිස් මහත්ම මහත්මීන්, දිස්ත්‍රික්කයේ විවාහ/උප්පැන්න/මරණ රෙජිස්ට්‍රාර්වරුන්, ප්‍රාදේශීය ලේකම් කාර්යාලවල අතිරේක දිස්ත්‍රික් රෙජිස්ට්‍රාර්වරුන් සහභාගී විය.

20190726 130623රත්නපුර දිස්ත්‍රික් විවාහ, උප්පැන්න, මරණ රෙජිස්ට්‍රාර් සංමයේ 48 වන සංවත්සර උත්සවය 2019.07.26 දින අධිකරණ හා බන්ධනාගාර ප්‍රතිසංස්කරණ ගරු අමාත්‍ය අතුකෝරාළ මැතිණියගේ ප්‍රධානත්වයෙන් රත්නපුර දිස්ත්‍රික් ලේකම් කාර්යාලයීය ශ්‍රවණාගාරයේ දී පවත්වන ලදී.
රත්නපුර දිස්ත්‍රික් විවාහ, උප්පැන්න, මරණ රෙජිස්ට්‍රාර්වරුන් සඳහා සාමදාන විනිසුරු පත්වීම් ලබා දීමක් ද මෙහිදී සිද කළ අතර, පළාත් සභා හිටපු මංත්‍රී නිමල් වි‍ජේනායක මැතිතුමා, රත්නපුර දිස්ත්‍රික් ලේකම් මාලනී ලොකුපෝතගම මැතිණිය, ඌව සබරගමුව කලාප භාර සහකාර රෙජිස්ට්‍රාර් ජනරාල් නිශ්ශංක විජේසිරි මහතා, දිස්ත්‍රික් ඉඩම් රෙජිස්ට්‍රාර් නිල්මිණී යූ. නවරත්න මහත්මිය, දිස්ත්‍රික් හා ජාතික රෙජිස්ට්‍රාර් සංගමයේ නිලධාරීන් හා රෙජිස්ට්‍රාර් මහත්ම මහත්මීන් මේ සඳහා සහභාගී විය.

img 2340මහජනතාව සඳහා මනා දිවි පැවැත්මක් සහතික කරමින් වැඩි ආර්ථික ප්‍රථිලාභ ඇති කර ගැනීමට හැකිවන අයුරින් භූමි සම්පත මැනවින් උපයෝගී කර ගැනීමේ රජයේ ප්‍රතිපත්තියට අනුකූලව ජනතාවගේ ඉඩම් අයිතිය සුරක්ෂිත කිරීමේ අරමුණින් රජයේ ඉඩම් දීමනා පත්‍ර දස ලක්ෂයක් බෙදා දීමේ කඩිනම් වැඩසටහනට සමගාමීව රත්නපුර දිස්ත්‍රික්කයේ සංවිධානය කළ දෙවැනි වැඩසටහන ශ්‍රී ලංකා ප්‍රජාතාන්ත්‍රික සමාජවාදී ජන රජයේ ගරු අග්‍රාමාත්‍ය රනිල් වික්‍රමසිංහ මැතිතුමන්ගේ ප්‍රධානත්ත්වයෙන් පසු ගිය දා (2019.07.28 දා) ඇඹිලිපිටිය මහවැලි කාර්යාල ක්‍රීඩාංගනයේ දී පැවැත්විණි. මෙහිදී රත්නපුර දිස්ත්‍රික්කයේ 2500 දෙනෙකු සඳහා ඉඩම් හිමිකම්පත් ප්‍රදානය කෙරුණි.
මෙම අවස්ථාවට ඉඩම් හා පාර්ලිමේන්තු ප්‍රතිසංස්කරණ කටයුතු පිළිබඳ ගරු අමාත්‍ය ගයන්ත කරුණාතිලක, අධිකරණ හා බන්ධනාගාර ප්‍රතිසංස්කරණ ගරු ඇමතිනී තලතා අතුකෝරාල, රත්නපුර දිස්ත්‍රික් පාර්ලිමේන්තු මන්ත්‍රී ගරු ඒ.ඒ. විජේතුංග, පාර්ලිමේන්තු මන්ත්‍රී ගරු හේෂා විතානගේ, යන මැති ඇමතිවරු ප්‍රමුඛ දේශපාලන අධිකාරියද, රත්නපුර දිස්ත්‍රික් ලේකම් මාලනී ලොකුපෝතාගම මහත්මිය ප්‍රමුඛ රාජ්‍ය නිලධාරීහු ද ඉඩම් හිමිකම් ප්‍රතිලාභී මහජනතාව ද සහභාගී වූහ.

පුවත් සහ සිදුවීම්