ඩිජිටල් ක්රමය යටතේ රත්නපුර, ජාතික උප්පැන්න සහතිකය නිකුත් කිරීම ඇරඹේ.
රෙජිස්ට්රාර් ජනරාල් දෙපාර්තමේන්තුව විසින් හඳුන්වා දී ඇති E - ජනගහන වැඩසටහන යටතේ ඩිජිටල් ක්රමයට ජාතික උප්පැන්න සහතික නිකුත් කිරීමේ සමාරම්භක වැඩසටහන අද (24) දින රත්නපුර දිස්ත්රික් ලේකම්/දිසාපති, අතිරේක රෙජිස්ට්රාර් ජනරාල් කේ.ජී.එස්. නිශාන්ත මහතාගේ ප්රධානත්වයෙන් රත්නපුර ප්රාදේශීය ලේකම් කාර්යාලයීය ශ්රවණාගාරයේදී පැවැත්විණි.
2021 වසරේ ජනවාරි මස පළමුවැනිදා සිට 2025.02.26 දින දක්වා, රත්නපුර දිස්ත්රික්කයේ උපන් දරුවන්ට දිස්ත්රික්කයේ ඕනෑම ප්රාදේශීය ලේකම් කාර්යාලයකින් මෙම ජාතික උප්පැන්න සහතිකය ලබා ගැනීමේ පහසුකම පවතී. ඉදිරියේදී මෙම සේවාව තව දුරටත් පුළුල් කිරීමට රෙජිස්ට්රාර් ජනරාල් දෙපාර්තමේන්තුව බලාපොරොත්තු වේ.
මෙම ඩිජිටල් ජාතික උප්පැන්න සහතිකය සම්ප්රදායික කඩදාසි සහතිකයට වඩා නවීන, සුරක්ෂිත ලේඛනයකි. මකා වෙනස් කළ නොහැකි ලෙස තොරතුරු දත්ත පද්ධතියේ ගබඩාවීම මගින් ව්යාජ ලේඛන සකස් කිරීම අවම වේ. එමෙන්ම විදේශ ගමන් හා නීතිමය කටයුතු සඳහා ජාත්යන්තරමය වශයෙන් භාවිතයට වඩාත් සුදුසු වන අතර සිංහල හා ඉංග්රීසි හෝ දෙමළ හා ඉංග්රීසි යන භාෂා මගින් සහතිකය ලබා ගැනීමට හැකිවීම තුළින් උප්පැන්න සහතික වෙනම පරිවර්තනයන් සිදු කිරීමට අවශ්ය නොවේ. තවද උප්පැන්න සහතිකයේ කවර හෝ සංශෝධනයක් සිදු කළ විට එම තොරතුරු දත්ත පද්ධතියේ යාවත්කාලීන වේ.
එමෙන්ම මෙම ඩිජිටල් ජාතික උප්පැන්නය රජයේ අනෙකුත් ආයතන සමඟ විශේෂයෙන් පුද්ගලයින් ලියාපදිංචි කිරීමේ දෙපාර්තමේන්තුව, ආගමන හා විගමණ දෙපාර්තමේන්තුව, විදේශ කටයුතු අමාත්යංශය, සෞඛ්ය අමාත්යංශය, අධිකරණ අමාත්යංශය, විශ්රාම වැටුප් දෙපාර්තමේන්තුව, ජන හා සංඛ්යා ලේඛන දෙපාර්තමේන්තුව, අධ්යාපන අමාත්යංශය වැනි ආයතන සමඟ තොරතුරු හුවමාරු කර ගත හැකි ලෙස මනාව සම්බන්ධ කර ඇත.
අද (24) දින සංකේතාත්මකව රත්නපුර, දරු දැරියන් 40 දෙනෙකු වෙත ඩිජිටල් ජාතික උප්පැන්න සහතිකය ප්රදානය කරන ලදී. මෙම සහතිකයේ ප්රථම පිටපත නොමිලේ නිකුත් කරනු ලැබේ.
මෙම අවස්ථාවට රත්නපුර අතිරේක දිස්ත්රික් ලේකම් අමිල විජේරත්න, රත්නපුර ප්රාදේශීය ලේකම් ප්රදීපිකා ඩී. ඉලුක්කුඹුර, ඌව - සබරගමුව නියෝජ්ය රෙජිස්ට්රාර් ජනරාල් නිශ්ශංක විජේසිරි, රත්නපුර සහකාර රෙජිස්ට්රාර් ජනරාල් නිල්මිණි යූ නවරත්න, සහකාර රේජිස්ට්රාර් ජනරාල් වරුන් වන එම්.ඒ.ජී. සෙව්වන්දි, ධම්මිකා රණසිංහ, රත්නපුර ඉඩම් හා දිස්ත්රික් රෙජිස්ට්රාර් ධම්මිකා ලියනාරච්චි යන මහත්ම මහත්මීන් ඇතුළු පිරිසක් සහභාගී වූහ.
දිස්ත්රික් මාධ්ය ඒකකය,
දිස්ත්රික් ලේකම් කාර්යාලය/ රජයේ ප්රවෘත්ති දෙපාර්තමේන්තුව,
රත්නපුර.