අපගේ දැක්ම

යහපාලනය තුලින් සමෘද්ධිය

 

මෙහෙවර

ප්‍රා‍දේශීය ලේකම් කාර්යාල අනෙකුත් රජයේ ආයතන පුද්ගලික අංශය සහ රාජ්‍ය නොවන අංශයද, ක්‍රියාකාරී ලෙස සහභාගී කර ගනිමින් රාජ්‍ය ප්‍රතිපත්ති සහ වැඩසටහන් ඵලදායී ලෙස ක්‍රියාත්මක කිරීම තුලින් රත්නපුර දිස්ත්‍රික්කයේ ජනතාවගේ ජීවන තත්වය ඉහල නැංවීම

රත්නපුර නම බිහිවී ඇත්තේ මැණික් යන අදහස ඇති "රත්න" සහ නගරය යන යන අදහස ඇති "පුර" යන වචන එකතුවිමෙනි.කොළඹ නගරයට කි.මි 100ක් පමණ ගිනිකොනින් පිහිටා ඇති මෙම නගරය දීර්ඝ ඉතිහාසයක් සහිත කර්මාන්තයක් වන පතල්කර්මාන්තයේ කේන්ද්‍රස්ථානයයි.පතල්කර්මාන්තයට අමතරව මෙම නගරය තේ සහ රබර් වගාව සදහා ප්‍රසිද්ධ නගරයකි.රත්නපුර දිස්ත්‍රික්කයේ සංචාරක ආකර්ශනීය ස්ථාන රාශියක් පිහිටා ඇත. ශ්‍රීපාදය, මහ සමන් දේවාලය, සිංහරාජ වන රක්ෂිතය, උඩවලව ජාතික වනෝද්‍යානය සංචාරකයන් අතර විශේෂයෙන් ජනප්‍රිය ස්ථාන වේ.රත්නපුර දිස්ත්‍රික්‍කයේ ජනගහණය 1,082,277 කි.මෙම දිස්ත්‍රික්කයේ සාමන්‍ය උෂ්ණත්වය 24- 35 °C අතර පරාසයේ වේ.

වර්තමානයේ හම්බන්තොට නගරයේ ඇති වී තිබෙන සීඝ්‍ර සංවර්ධනයත් සමග හම්බන්තොට හා කොළඹ නගර යාකෙරෙන ප්‍රධාන දිස්ත්‍රික්කය බවට රත්නපුර පත්ව ඇත.

රත්නපුර මහා සමන් දේවාලය

මේම සිද්ධස්ථානය සමන්දෙවියන්උදෙසා ඉදිකරනලද්දකි.සමන්දෙවියන් බෞද්ධ දෙවියෙකු වන අතර රත්නපුර අඩවිය භාර දෙව්යන් ලෙස සලකයි.රත්නපුර පානදුර මා‍ර්ගයේ කි.මී1 1/2 පමණ ගමන් කල විට සමන් දේවාලයට ලඟා වියහැක.

ශ්‍රී පාදය

මිටර් 2243 ක් සමනල කන්දේ ශ්‍රී පාදය පිහිටා ඇත. බුදුරජානන්වහන්සේ වැඩමකල අවස්ථාවේදි උන් වහන්සෙගේ ශ්‍රී පතුල එහි සලකුනු කරන ලද බව විශ්වාස කෙරේ. මේම කන්ද හාස්කම් සහිත ස්ථානයක් ලෙස හදුන්වන අතර බැතිමතුන් කයෙන් සහ වචනයෙන් සංවර විය යුතුයි. රත්නපුර ගිලිමලේ සහ කාර්නිය වතුයාය හරහා ශ්‍රීපාද කදු මුදුනට වැටි ඇති සාම්ප්‍රදායික දුෂ්කර මාර්ගයේ අරම්භක ස්ථානයක්ද වන්නේය. වන්දනාමාන කරන වාරය ඇරඹෙන්නෙ දෙසැම්බර් මාසයේ පසලොස්වක පෝය දිනයෙන් වන අතර මැයි මාසයේ පසලොස්වක පොහෝය දිනෙන් එම වාරය අවසන් වේ.

බෝපත් ඇල්ල

මේය කොළඹ රත්නපුර අලුත් පාරට සැතපුම් කිහිපයක් ඇතින් කූරුවිට පිහිටා ඇති අතර වාහන වලින් මේම ස්ථානයට පහසුවෙන් ප්‍රවේශ විය හැක. මේය රත්නපුරට දිවයින පුරා සංචාරකයින් ආකර්ශයකර ගැනිමට දායක වේ. දියනැමට සංචාරකයින්ට අවස්ථා ලබාදි ඇති නමුත් ක්ෂණික ගංවතුර තත්ව ඇතිවිමේ අවධානමක් පවති .එම අවධානම නොසලකා හැරිමේදි මේම ස්ථානයේ සුන්දරත්වය රත්නපුරට මැණිකකි. කොළඹ රත්නපුර අලුත් පාරේ සිට කුරුවිටට සමිපයෙන් ඇති හිග්ගස්හෙනේදි වමට හැරි කිලෝමිටර් දෙකක් පමන යායුතුයි. මේම දිය ඇල්ල බෝ කොලයක හැඩැති නිසා මේම නම ලැබි ඇත.

කටුගස් ඇල්ල

රත්නපුර නගරයේ සිට කිලෝමිටර් තුනක් ඇතින් පිහිටි මහවලවත්තේ පිහිටා ඇති දේශිය ජනතාව අතර ජනප්‍රිය දිය ඇල්ලකි.

පුවත් සහ සිදුවීම්