රසායනික, ජීව විද්යාත්මක, විකිරණ හා න්යෂ්ටික උපද්රව (CBRN) ආපදා අවදානම් අවම කිරීම සම්බන්ධ රත්නපුර දිස්ත්රික් කමිටු සාකච්ඡාව.
රසායනික, ජීව විද්යාත්මක, විකිරණ හා න්යෂ්ටික උපද්රව (CBRN) ආපදා අවදානම් අවම කිරීම සම්බන්ධ රත්නපුර දිස්ත්රික් කමිටු සාකච්ඡාව.
රසායනික, ජීව විද්යාත්මක, විකිරණ හා න්යෂ්ටික උපද්රව (CBRN) ආපදා අවදානම් අවම කිරීම සම්බන්ධ රත්නපුර දිස්ත්රික් ආරම්භක කමිටු සාකච්ඡාව, රත්නපුර දිස්ත්රික් ලේකම්/දිසාපති කේ.ජී.එස්. නිශාන්ත මහතාගේ ප්රධානත්වයෙන් දිස්ත්රික් ලේකම් කාර්යාලයීය ශ්රවණාගාරයේදී ඊයේ (25) දින පැවැත්විණි.
මෙහිදී, ජීව විද්යාත්මක, රසායනික, විකිරණශීලී ද්රව්ය භාවිතය, කළමණාකරණය කිරීම, පාලනය කිරීම පිළිබඳව නෛතික පසුබිමක් මත කටයුතු කරනු ලබන පාර්ශවකාර ආයතනයන්හි නියෝජිතයින් සමඟ මෙවැනි ආපදා අවදානම් අවම කිරීම සම්බන්ධව පවත්නා නෛතික පසුබිම, ආපදා පෙර සූදානම, දැනුවත්කිරීම, ක්ෂණික ප්රතිචාර දැක්වීම හා පර්යේෂණ සම්බන්ධව ඒ ඒ ආයතන තුල පවත්නා ධාරිතාවයන් හා තවදුරටත් සංවර්ධනය වියු යුතු ක්ෂේත්රයන් සම්බන්ධව සුවිශේෂී කතිකාවක් ගොඩනගා ගැනීම හා ඒ තුළින් එවැනි අවදානම් අවම කිරීම සඳහා අවශ්ය දිස්ත්රික් යාන්ත්රණයක් ස්ථාපිත කිරීමට අවශ්ය පදනම සකස් කෙරිණි.
මෙම වැඩසටහනේ සම්පත්දායකත්වය ආපදා කළමණාකරණ මධ්යස්ථානයේ නියෝජ්ය අධ්යක්ෂ (පුහුණු කිරීම් හා දැනුවත් කිරීමේ අංශය) ශාන් පතිරණ මහතා, සහකාර අධ්යක්ෂ (මාධ්ය) ජානක හඳුන් පතිරාජ මහතා විසින් ලබා දෙන ලදී.
ශ්රී ලංකා යුධ හමුදාව, පොලීසිය, විශේෂ කාර්ය බලකාය, සෞඛ්ය අංශය, කර්මාන්ත, පළාත් පාලන ආයතන, නාගරික සංවර්ධන අධිකාරිය, මධ්යම පරිසර අධිකාරිය ඇතුළු විවිධ ක්ෂේත්ර නියෝජනය කරමින් පැමිණි නිලධාරීන් මෙහිදී අදහස් දක්වන ලදී.
මෙම අවස්ථාවට රත්නපුර අතිරේක දිස්ත්රික් ලේකම් ගයානි අයි. කරුණාරත්න, අතිරේක දිස්ත්රික් ලේකම් අමිල විජේරත්න, රත්නපුර නියෝජ්ය අධ්යක්ෂ (ආපදා) මුදිත මංජුල යන මහත්ම මහත්මීන් ඇතුළු පිරිසක් සහභාගීවූහ.
දිස්ත්රික් මාධ්ය ඒකකය,
දිස්ත්රික් ලේකම් කාර්යාලය/ රජයේ ප්රවෘත්ති දෙපාර්තමේන්තුව,
රත්නපුර.